Դեպի արեւելք ՆԱՏՕ-ի ընդլայնումը նախեւառաջ ձեռնտու է Միացյալ նահանգներին, որն ուզում է պահպանել Ռուսաստանի ու Եվրոպայի միջեւ հեռավորությունը: Այս մասին Le Figaro–ին տված հարցազրույցում ասել է ֆրանսիացի գեներալ, աշխարհքաղաքականության ու տնտեսական հետախուզության հարցերով փորձագետ Ժան Բերնար Պինատելը:
Նրա խոսքով եթե 90 ականներին Ռուսաստանը լիներ եվրոպական երկրների դաշնակիցը, ապա այդ սուպերդաշինքը կկարողանար ԱՄՆ-ի համար ծանրակշիռ մրցակցություն կազել ու վիճարկել նրա գլոբալ գերազանցությունը, որը նա ստացել էր ԽՍՀՄ փլուզումից հետո:
Պինատելի կարծիքով իսլամիզմի սպառնալիքը նորից բացել է գլոբալ լիդերության մասին բանավեճը: Եվրոպայում վերջին ողբերգական իրադարձությունները ակնհայտորեն ցույց են տալիս ֆրանսիացիներին ու ՆԱՏՕ-ում ԱՄՆ-ի մյուս դաշնակիցներին, որ այս դաշինքը ոչ մի կերպ չի օգնում եվրոպացիներին պայքարել ահաբեկչական սպառնալիքի դեմ: Բացի դրանից ԱՄՆ անվստահության ու կամուկացի ֆոնին եվրոպացիները տեսնում են Մոսկվայի արդյունավետ գործողությունները, որոնք ուղղված են ԻՊ դեմ պայքարին, ինչը նրանց նորից դրդում է մտածել արեւելյան հարեւանի հետ դաշինքի մասին: «Այդ ապացույցները, որոնք ստացվել են 2012-ից առայսօր 234 սպանվածների ու 671 վիրավորների գնով, պետք է ոչ միայն ուշքի բերեն ՆԱՏՕ-ին, այլեւ նրան բերեն ամբողջական լիկվիդացման կամ տոտալ եվրոպականացման, քանի որ դաշինքի ներկա քաղաքականությունը հաստատ չի համապատասխանում Ֆրանսիայի շահերին»,- ասել է գեներալ Պինատելը:
Ռուսաստանը, շարունակել է նա, վաղուց էր առաջարկում ԱՄՆ-ին համակարգել Սիրիայում իր գործողությունները, սակայն Օբաման հրաժարվում էր այն պատրվակով, որ չափավոր ընդդիմությունը դեռ ներուժ ունի: Արդյունքում Մերձավոր արեւելքում ձեւավորվում է նոր հավասարակշռություն: «Ռուսաստանը, որը պատմականորեն ներկա էր այս տարածաշրջանում, նորից վերադառնում է: Չինաստանը, ինչը նորությունն է, ակտիվ իր քիթն է խոթում տարածաշրջանի գործերի մեջ ու միայն միջնորդի արտոնյալ դիրքորոշում ունեցող Ֆրանսիան է ամեն ինչ կորցրել ԱՄՆ հովանավորության ներքո», - համարում է Պինատելը:
Ընդ որում գեներալը կարծում է, որ Ռուսաստանի ու Ֆրանսիայի ռազմավարական ու տնտեսական շահերը ամբողջովին համընկնում են, իսկ երկու երկրների պատմության մեջ եղել են արդյունավետ համագործակցության ու բարեկամության ժամանակաշրջաններ: «Եվրոպայում սառը պատերազմի մթնոլորտը վերադարձնելու՝ ԱՄՆ ցանկությունը իրականացվում է ՆԱՏՕ-ի միջոցով ու ծառայում է ամերիկացիների, նաեւ անգործունյա ու կոռումպացված եվրոպական առաջնորդների շահերին»,- ամփոփում է փորձագետը, հայտնում է «ՌԻԱ Նովոստին»: