Երեւանում ոստիկանության ՊՊԾ գնդի գրավման շուրջ կատարվող վերջին իրադարձությունները տագնապալի են: Այս մասին ասվում է ԵՄ պաշտոնական ներկայացուցչի՝ հուլիսի 30-ին տարածված հայտարարության մեջ:
«Մենք կոչ ենք անում անհապաղ ազատ արձակել պատանդառված բուժաշխատողներին: Միեւնույն ժամանակ մենք նորից դիմում ենք Հայաստանի իշխանություններին եւ կոչ անում զերծ մնալ հանրահավաքների ժամանակ ոստիկանության կողմից ուժի անհամաչափ կիրառումից: Բացի դրանից ցուցարարներն էլ պետք է զերծ մնան բռնությունից իրենց քաղաքացիական իրավունքների իրականացման ժամանակ:
Քաղաքական փոփոխությունների հասնելու նպատակով ուժի կիրառումն ու բռնությունները անընդունելի են: Տարաձայնությունները պետք է լուծվեն՝ ժողովրդավարության, իրավունքի գերակայության ու հիմնական ազատությունների նկատմամբ հարգանքի վրա կառուցված քաղաքական երկխոսության միջոցով»,- ասվում է հայտարարության մեջ:
