Բաղրամյան պողոտայում սկզբնամասում, որտեղ այս պահին ցուցարարների մեծ բազմություն է հավաքվել եւ նստացույց է ընթանում, ինքնահրկիզման դեպք է գրանցվել:
NEWS.am-ի թղթակիցը, վկայակոչելով ականատեսներին, հայտնում է, թե մոտ 50 տարեկան մի տղամարդ հայտարարություն է արել, բենզինը լցրել իր վրա եւ այրել:
Նրա կողքին գտնվող ցուցարարներն անմիջապես օգնության են հասել, մարել կրակը, եւ փորձել են օգնություն ցուցաբերել:
Տղամարդը գիտակից վիճակում է եղել, հրաժարվել է ոստիկանության մեքենայով հիվանդանոց գնալուց: Ցուցարարները նրան հիվանդանոց են ուղարկել տաքսի մեքենայով:
Լուսանկարները ՝ Արսեն Սարգսյան/NEWS.am