Վերջին մեկ ժամվա ընթացքում Ոստիկանության ՊՊԾ գնդի տարածքում պայթյուններ են լսվել. Մեկը 11.20-ին, մյուսը՝ մոտ 10 րոպե անց։ Խորենացի փողոցի այն հատվածում, որտեղ լրագրողներն են, լսվել են միայն պայթյունների ձայները։
«Ազատություն» ռադիոկայանը ներկայացրել է սիրողական տեսանյութ, որտեղ երեւում է, թե ինչպես է ՊՊԾ գնդի տարածքից ծուխ դուրս գալիս։ Տեսանյութը՝ ԱՅՍՏԵՂ։
Ավելի վաղ NEWS.am-ը հայտնել էր, որ նախօրեին Ազգային անվտանգության ծառայությունը մինչեւ ժամը 17.00 վերջնաժամկետ տվեց «Սասնա ծռեր» խմբին զենքը վայր դնելու և իշխանություններին հանձնվելու համար: «Հակառակ դեպքում իրավապահ մարմինների հատուկ նշանակության ստորաբաժանումները լիազորված են առանց նախազգուշացման կրակ բացել եւ վնասազերծել ՊՊԾ գնդի տարածքում կամ դրանից դուրս գտնվող ցանկացած զինված անձի», - ասված էր ԱԱԾ-ի հայտարարությունում:
Նշենք, որ մինչ այս պահը ԱԱԾ-ն որեւէ այլ հաղորդագրություն կամ հայտարարություն չի տարածել։
