Երեւանի Բաղրամյան պողոտայում ցույցի ժամանակ հուլիսի 30-ին, ինքնահրկիզման փորձ կատարած տղամարդու վերին շնչուղիների 15 եւ մարմնի մակերեսի 55 տոկոսն այրվել է: Այս մասին NEWS.am-ը տեղեկացավ ճառագայթային բժշկության եւ այրվածքների գիտական կենտրոնի վերակենդանացման բաժանմունքից` նշելով, որ վիճակը գնահատվում է ծայրահեղ ծանր:
Ավելի վաղ տեղեկացրել էինք, որ հուլիսի 30-ին, Երեւանի Բաղրամյան պողոտայում, երբ ցուցարարները փակել էին պողոտան եւ նստացույց էին անում, մոտ 50 տարեկան տղամարդ ինքնահրկիզման փորձ էր արել: Նրան օգնության էին հասել քաղաքացիները եւ տաքսի ծառայության մեքենայով տեղափոխել հիվանդանոց: