«Սասնա ծռեր» խմբի անդամ, ազատամարտիկ Արայիկ Խանդոյանի՝ Միայնակ Գայլի փաստաբան Արա Ղարագյոզյանը այսօր՝ օգոստոսի 9-ին բողոք է ներկայացնելու Մարդու իրավունքների պաշտպանին եւ քրգործով քննիչին՝ թույլ տալ Արայիկ Խանդոյանին վերադարձնել նրա ակնոցը:
Լրագրողների հետ զրույցում փաստաբանը նշեց, որ Արայիկ Խանդոյանի ակնոցը ձերբակալության օրն առգրավվել է եւ մինչ այժմ նրան չեն վերադարձրել այն:
Ըստ փաստաբանի, Արայիկ Խանդոյանը տեսողական խնդիրներ ունի, եւ նրան առանց ակնոցի տեղաշարժվելը դժվար է: Արա Ղարագյոզյանի խոսքով, ակնոցի առգրավումը մարդու իրավունքների կոպիտ խախտում է եւ իրավականորեն այն պետք է վերադարձնի բանտարկյալին:
Փաստաբանը նշեց, որ տեսակցել է Խանդոյանին, ազատամարտիկը մարտական է տրամադրված եւ ասել է. «Մեր սարերի նման կանգուն ենք եւ պետք է պաքարենք մինչեւ իրավական պետություն ստեղծելը»:
Նշենք, որ «Սասնա ծռեր» խմբի անդամին մեղադրանք է ՀՀ Քր.օր.-ի 218 հոդվածի 3-րդ մասի 1-ին կետով (պատանդ վերցնելը) եւ 235 հոդվածի 3-րդ մասով (ապօրինի զենք զինամթերք ձեռք բերել, իրացնել, պահել, փոխադրել):
