Օրեր առաջ Հոլանդիայի երկրորդ դիվիզիոնում հանդես եկող «Տելստար» թիմի մամուլի ծառայությունը հայտնեց, որ Հայաստանի ազգային հավաքականի թեկնածու Նորայր Ասլանյանը կարիերան կշարունակի հոլանդական «Տելստարում»: NEWS.am-ի թղթակից Վերա Մարտիրոսյանի հետ զրույցում ֆուտբոլիստը ասաց, որ «Տելստարի» հետ պայմանագիր չի կնքել:
«Ես պայմանագիր չեն կնքել, քանի որ դեռ լիովին չեմ ապաքինվել: Դեռ մեկ ամիս երեւի թե պետք կգա, որ լիովին ապաքինվեմ վնասվածքից: Այս պահին մարզվում եմ «Տելստարի» հետ, բայց պայմանագիր կկարողանամ կնքել միայն, երբ պատրաստ լինեմ: Ազատ գործակալի կարգավիճակում գտնվող ֆուտբոլիստը կարող է պայմանագիր ստորագրել անգամ տրանսֆերային պատուհանի փակվելուց հետո»- ասաց ֆուտբոլիստը:
Այն հարցին, թե ինչու էին «Տելստարի» կազմում իր ազգանունը գրել նախկինի պես՝ Մամեդով, ֆուտբոլիստն ասաց, որ ով այդպես է գրել, մեծ սխալ է արել:
Հիշեցնենք, որ Նորայր Ասլանյանը վերջին անգամ Հայաստանի ազգային հավաքական էր հրավիրվել 2015-ին Ֆրանսիայի հետ ընկերական խաղում: