Քանի դեռ «Ժառանգություն» կուսակցության անդամները անազատության մեջ են, ՏԻՄ ընտրություններին մասնակցելը կլինի անբարոյականություն: Այս մասին NEWS.am-ի հետ զրույցում ասաց նա«Ժառանգություն» կուսակցության նախագահ ՐաֆՖի Հովհաննիսյանը: Նա նշեց, որ ինչքան էլ մեծ լինեն մտահոությունները, որ ՏԻՄ ընտրություններին չմասնակցելով հնարավոր է իրենց ընտրողներին կորցնեն, կուսկացության համար առաջնահերթ է իրենց անդամների ազատ արձակումը:
«Լուրջ մտահոգությունների առիթ է, որովհետեւ ընտրողների լուրջ թիվ ունենք Վանաձորում, Գյումրիում եւ այլ մեծ քաղաքներում: Դա մենք մեր հետագծով փաստել ենք, բայց մենք սկզբունքային կազմակերպություն ենք եւ մեր ընկերներն անազատության մեջ են եւ մենք պետք է միասնական ուժով պայքարենք, արտասովորի իրավիճակի մեջ ենք, կյանքը սովորական պես չպետք է վերցնենք: Եվ թող ուրիշ մարդիկ փորձեն մեր քվեների վրա կայանալ, մեր քվեները վերջում կմնան մեզ, կվերադառնան մեզ: Եթե պետք լինի, մեկ ուրիշ ուժի էլ կզորակցենք, բայց քանի դեռ Դավիթը, Հովսեփը, Արմենն ու Անդրիասն անազատության մեջ են, ուղղակի անբարոյականություն համարեցինք մասնակցել ՏԻՄ ընտրություններին, որքան էլ քաղաքական որոշ նկատառումներ կան»,-ասաց նա:
Հիշեցնենք, որ «Ժառանգություն» կուսակցությունը հայտարարություն էր տարածել, որում ասել էր, որ քանի կուսակցության փոխնախագահ Արմեն Մարտիրոսյանը, մամուլի քարտուղար Դավիթ Սանասարյանը եւ քաղաքացիական հասարակության հետ կապերի պատասխանատու Հովսեփ Խուրշուդյանը, մնում են մինչդատական կալանքի տակ, «Ժառանգություն» կուսակցությունը՝ անտեսելով բոլոր վտանգները, մշտապես հավատալով քաղաքական գործընթացում մասնակցության կարևորությանը. որոշում է կայացրել չմասնակցել երկրի ողջ տարածքում ընթացող ՏԻՄ ընտրություններին: