«Սասնա ծռեր» խմբի անդամ, ոտքից վիրավոր Պավել Մանուկյանին վաղը վիրահատելու են։ Այս մասին այսօր լրագրողների հետ զրույցում հայտարարել է Մանուկյանի պաշտպան Ինեսսա Պետրոսյանը՝ նշելով, որ վիրահատությունը տեղի կունենա «Դատապարտյալների հիվանդանոցում»։
«Պավել Մանուկյանի վիրահատությունը վաղն է նախատեսվում դատապարտյալների հիվանդանոցում։ Ես դեմ եմ, որ այն տեղի ունենա այնտեղ։ Ես այսօր լսել եմ «էրեբունի» բժշկական կենտրոնի տնօրեն Միքայել Մանուկյանի հայտարարությունը, թե այնտեղ կա համապատասխան վիրահատարան եւ իրենք կարող են անցկացնել կոնկրետ վաղվա վիրահատությունը։ Նա նաեւ նշել է, որ այնտեղ 7 հիվանդ է բուժվում եւ կարող են լինել վիրահատություններ, որոնց, սարքավորումներից ելնելով, կարող են տեղափոխվել «էրեբունի» բժշկական կենտրոն»,-մանրամասնել է Ինեսսա Պետրոսյանը։