«Սասնա ծռեր» խմբի անդամ, անազատության մեջ գտնվող Արամ Մանուկյանին երեկ տեսակցել է փաստաբան Ինեսսա Պետորսյանը եւ տեղեկացել, որ նա կարողացել է հենակների ու բժիշկների օգնությամբ մեկ-երկու քայլ կատարել։ Այս մասին այսօր լրագրողների հետ զրույցում ասաց նրա պաշտպան Ինեսսա Պետրոսյանը։ Նշենք, որ Արամ Մանուկյանը ՊՊԾ գնդի տարածքում ոստիկանների արձակած կրակոցից ոտքից վիրավորվել է եւ գտնվում է դատապարտյալների հիվանդանոցում։
«Երեկ տեսակցել եմ իմ պաշպանյալներին, Արամ Մանուկյանի հետ կապված պետք է նշեմ, որ նրա վիճակը ավելի բավարար է, քան Պավել Մանուկյանինը։ Բժիշկների օգնությամբ հենակների միջոցով կարողացել է մեկ-երկու քայլ անել, սակայն առողջ ոտքով, վիրավոր ոտքով դեռ մի քանի ամիս չի կարողանալու քայլել»,-ասաց Ինեսսա Պետրոսյանը։
Փաստաբանը հիշեցրել է իրենց պահանջը, ըստ որի Արամ Մանուկյանը պետք է գտնվի ազատության մեջ, քանի որ բացառվում է, որ նա խոչընդոտի քննությանը կամ բացակայի երկրից․
«Մենք գտնում ենք, որ Արամ Մանուկյանը ելնելով իր առողջական վիճակից՝ հնարավորություն չունի խոչընդոտել քննությանը, բացակայել երկրից։ Ունի անբասիր վարքագիծ, նկարագիր, հայրենասեր երիտասարդ է, բացառվում է, որ նա խոչընդոտի քննությանը։ Մարդը ինչպե՞ս կարող է բուժման մեջ գտնելով խուսափի պատասխանատվությունից, ինչպես կարող է թողնել ու հեռանալ, երբ անձնագիրը գտնվում է վարույթ իրականացնող մարմնի ձեռքում։ Մենք խնդրել ենք, որ դատարանը նրան անհապաղ ազատ արձակի՝ բեկանելով առաջին ատյանի որոշումը»։