«Սասնա ծռեր» խմբի անդամ Արայիկ Խանդոյանի պաշտպանը՝ Արայիկ Պապիկյանը քիչ առաջ ստացել է լիազորագիրը, որի միջոցով Խանդոյանի վստահված անձը Ծաղկահովիտ համայնքի ՏԻՄ ընտրություններում կկազմակերպի նրա թեկնածության առաջադրումը:
Պաշտպանը NEWS.am-ի հետ զրույցում ասաց, որ լիազորագիրն արդեն հանձնել է վստահված անձին, որն էլ մինչեւ վերջնաժամկետ՝ օրվա վերջ, կփորձի կարգավորել մյուս փաստաթղթերը:
«Հույս ունենք, որ կհասցնի»,- նշեց փաստաբանը:
Հիշեցնենք, որ Արայիկ Խանդոյանն ահազանգել էր, որ արդեն երրորդ օրն «Նուբարաշեն» ՔԿՀ-ի վարչակազմը եւ ՀՀ ՀՔԾ-ն չեն ցանկանում հաստատել իր լիազորագիրը, որի միջոցով իր վստահված անձը պետք է Արագածոտնի մարզի Ծաղկահովիտ համայնքում կայանալիք ՏԻՄ ընտրություններում կազմակերպի իմ թեկնածության առաջադրումը, որի վերջնաժամկետը լրանում է օգոստոսի 19-ին: