Պատմության մեջ առաջին AC Cobrа - CSX 2000-ը, որը ստեղծել է Քերոլ Շելբին, RM Sotheby’s-ում աճուրդի է հանվել, հայտնում է կանադական CTV-ն:
Մեքենան վաճառքի է հանել Քերոլ Շելբիի անվան ֆոնդը: Լոտի նախնական գինը դեռ չի բացահայտվում, սակայն նման մեքենաների արժեքը աճուրդներում հասնում է մինչեւ միլիոնավոր դոլարների:
Մեքենայի վերջնական հավաքումն իրականացրել է Շելբին անձամբ: Այս մեքենան նրան էր պատկանում 50 տարի՝ մինչեւ 2012-ին տիրոջ մահը:
Մեքենան ունի 4.3 լ ծավալով V8 շարժիչ՝ 260 ձիաուժ հզորությամբ: AC Cobrа - CSX 2000-ը 1960-ական թթ. բառացիորեն հեղափոխություն կատարեց՝ ոչ միայն ավտոարշավներում հաղթելով, այլ նաեւ ընդհանուր առմամբ փոխելով ավտոշինության սկզբունքները:
