«Սասնա ծռեր» խմբի կալանավորված անդամ Հովհաննես Վարդանյանի խափանման միջոցը փոխելու մասին բողոքի վերաբերյալ կայացրած որոշումը Վերաքննիչ դատարանը կհրապարակի օգոստոսի 22-ին:
Լրագրողների հետ զրույցում նրա փաստաբան Անուշ Մխիթարյանը ասաց, որ իր պաշտպանյալին դատարան չէին տեղափոխել իր իսկ ցանկությամբ:
«Իր ցանկությունն է եղել չգտալը, ես մեկմաբանել չեմ կարող: Բայց ինքը մի շարք հիվանդություններ ունի եւ չի կարող այդ վիճակում մնալ անազատության մեջ: Եվ իմ բողոքարկման հիմնական պատճառն էլ այդ է եղել»,- ասաց պաշտպանը:
Բողոքի վերաբերյալ որոշումը կհրապարակվի օգոստոսի 22-ին ժամը 10:00-ին:
Հովհաննես Վարդանյանը «Հիմնադիր խորհրդարանի» համախոհներից է եղել, մասնագիտություն չունի, ամուսնացած է, ունի երեք որդի:
Նշենք, որ Հովհաննես Վարդանյանին մեղադրանք է ՀՀ Քր.օր.-ի 218 հոդվածի 3-րդ մասի 1-ին կետով (պատանդ վերցնելը) եւ 235 հոդվածի 3-րդ մասով (ապօրինի զենք զինամթերք ձեռք բերել, իրացնել, պահել, փոխադրել):
