Գերմանական Opel ավտոարտադրող ընկերությունը, որը ամերիկյան General Motors կոնցեռնի կազմում է, մտադիր է մոտ ապագայում կրճատել աշխատանքային հերթափոխների մի մասի տեւողությունը: Գերմանական Der Spiegel շաբաթաթերթը գրում է, որ այդ որոշումը պայմանավորված է՝ ԵՄ կազմից Մեծ Բրիտանիայի դուրս գալու որոշման ֆոնին ծագած տնտեսական բարդություններով:
Ամսագրի տեղեկություններով աշխատանքային օրը կրճատվելու է Ռյուսելսհայմ ու Այզենախ քաղաքներում գտնվող երկու գործարաններում: Այնտեղ բրիտանական շուկայի համար արտադրվում են Insignia եւ Corsa մոդելները: Der Spiegel-ը նշում է, որ երկու գործարաններում էլ մինչեւ ընթացիկ տարվա ավարտը ներդրվելու են 28 կարճատեւ աշխատանքային օրեր: Այս մասին ավելի ճշգրիտ տվյալներ չեն ներկայացվում:
Ավելի վաղ Opel-ի ղեկավար Կառլ Թոմաս Նոյմանը ԵՄ կազմից Մեծ Բրիտանիայի դուրս գալու ռիսկերը գնահատել էր 363 մլն եվրո, հայտնում է ՏԱՍՍ-ը: