ԱՄՆ նախագահի հանրապետական թեկնածու Դոնալդ Թրամփն ընտրարշավի մեկնարկից հետո առաջին անգամ նախընտրական հեռուստատեսային հոլովակ է թողարկել, հայտնում է The Hill-ը:
Տեսանյութը պատմում է, որ Հիլարի Քլինթոնի Ամերիկայում համակարգն ամերիկացիների դեմ է:
Տեսանյութում քննադատվում է նաեւ ապօրինի միգրանտների հարցում Քլինթոնի քաղաքականությունն ու մեծաթիվ սիրիացի փախստականներին ընդունելը: «Հանցագործությունների մեջ մեղադրվող ապօրինի միգրանտները մնում են՝ ստանալով սոցիալական պաշտպանություն»,- ասված է հոլովակում:
Ընդ որում, տեսանյութի վերջում խոսվում է Թրամփի ԱՄՆ-ի մասին, որն անվտանգ է:
«Ահաբեկիչներին եւ հանցագործներին երկիր չեն թողնում: Սահմաններն ապահով են, մեր ընտանիքներն անվտանգության մեջ են»,- ասվում է հոլովակում: