Արմավիրի մարզի Էջմիածին քաղաքում սեպտեմբերի 18-ին կայանալիք ընտրություններին մասնակցելու համար առաջադրվել է 3 թեկնածու:
Ինչպես տեղեկանում ենք Կենտրոնական ընտրական հանձնաժողովի կայքից, այս համայնքում կմրցեն գործող քաղաքապետ, անկուսակցական, ինքնառաջադրված Կարեն Գրիգորյանը, անկուսակցական, քաղաքապետարանի պաշտոնյա Արթուր Խաչատրյանը եւ Արթուր Թումանյանը, որի աշխատանքի վայրը նշված չէ:
Սպասվում է, որ իշխող «Հանրապետական» կուսակցությունն այստեղ կսատարի Կարեն Գրիգորյանին, որը գեներալ Մանվել Գրիգորյանի որդին է:
Հիշեցնենք, որ սեպտեմբերի 18-ին ՏԻՄ ընտրություններ են սպասվում Հանրապետության մի շարք քաղաքներում եւ գյուղերում: