Զինված ընդդիմության գրոհայինները օգոստոսի 20-ին ռեակտիվ համակարգերից համազարկային կրակ են բացել Հալեպի Էլ-Համդանիա թաղամասի վրա, որը Դամասկոսից 360 կմ հեռավորության վրա է եւ գտնվում է սիրիական բանակի պաշտպանության տակ: Այդ մասին հայտնում է «Սուրիա ալ-Էն» լրատվական պորտալը:
Նրա տեղեկությունների համաձայն, խաղաղ բնակիչների թվում սպանվածներ եւ վիրավորներ կան: Նրանց թիվը ճշտվում է, կան տուժած երեխաներ եւ կանայք: Շտապօգնության մեքենաները թաղամասից դուրս են հանում վիրավորներին:
Հուլիսի 31-ից Հալեպում 198 մարդ է զոհվել, եւս 830-ը վիրավորվել է: