Իլինոյս նահանգի Պոնտիակ քաղաքում հատուկ ռեժիմի բանտի բանտարկյալները հարձակվել են պահակների վրա, ինչի հետեւանքով վիրավորում է ստացել հաստատության վեց աշխատակից, հայտնել է Chicago Tribune պարբերականը:
Նահանգի ուղղիչ հաստատությունների պաշտոնական ներկայացուցիչ Նիկոլ Ուիլսոնը հայտարարել է, որ այս պահին պահակները հոսպիտալացվել են, նրանց վնասվածքները լուրջ են:
Նշում են, որ պահակների վրա հարձակմանը հինգ բանտարկյալ է մասնակցել: Ընդ որում չեն ճշգրտում, արդյոք բանտարկյալները զինված են եղել:
Նախնական տվյալներով բանտում կարգուկանոնը վերականգնված է: