Պատահաբար տեսագրվել է «կենդանի լաստանավ»՝ կազմված հազարավոր մրջյուններից, որոնք այս ձեւով ջրհեղեղի ժամանակ փորձել են փրկվել ջրից: Տեսահոլովակը նկարահանվել է Թեքսաս նահանգում, հայտնում է Gizmodo–ն:
Մրջյունները, ընկնելով ջրի մեջ, վայրկենապես իրենց մարմիններով ձեւավորում են լաստանավ, որը մի քանի օր ու նույնիսկ շաբաթ կարող է մնալ ջրի վրա, մինչդեռ առանձին լողացող մրջյունները արդեն մի քանի վայրկյանից խեղդվում են: Մրջյունների ձեւավորած կառուցվածքը շատ ամուր է, ոչ մի ճեղք չի պարունակում եւ շատ ճկուն է: