Վերաքննիչ դատարանն այսօր՝ օգոստոսի 22-ին, մերժեց «Սասնա ծռեր» խմբի անդամ Տիգրան Մանուկյանի խափանման միջոցը փոխելու եւ նրան գրավի դիմաց ազատ արձակելու վերաբերյալ փաստաբանի ներկայացրած միջնորդություն: Այս մասին նիստից հետո լրագրողների հետ զրույցում ասաց նրա փաստաբան Լուսինե Մարտիրոսյանը:
«Տիգրան Մանուկյանին դատարան չէին տեղափոխել, ինքն էլ ցանկություն չէր հայտնել՝ ներկա գտնվելու դատական նիստին»,- ասաց նա:
Նշենք, որ Տիգրան Մանուկյանը «Նոր Հայաստան» շարժման անդամ է:
Հիշեցնենք, որ Տիգրան Մանուկյանը մեղադրվում է Քրեական օրենսգրքի 218-րդ (պատանդ պահել) եւ 235-րդ հոդվածներով (զենք, զինամթերք կրել, փոխադրել): Նա կալանավորված է: