Բաքվի խոշորագույն վարկային կազմակերպություները անցած շաբաթվա վերջին առանց բացատրությունների մասամբ կամ ամբողջովին դադարեցրել են արտարժույթի վաճառքը կամ էլ սահմանափակել գործարքները մինչեւ մեկ մարդուն 100-500 դոլար, հայտնում է Bloomberg-ը:
Դրա հետեւանքով սեւ շուկայում աճել է ՝ պաշտոնական փոխարժեքը զգալիորեն գերազանցող փոխարժեքով դոլարի վաճառքը:
«Արտարժույթի վաճառքը բանկերի իրավասության դաշտում է: Մենք չենք կարող միջամտել» - մեկնաբանել է Ադրբեջանի ԿԲ ներկայացուցիչ Ռուֆաթ Աբասովը:
Տարեսկզբին Ադրբեջանի նախագահ Իլհամ Ալիեւը խորհրդարան է վերադարձրել արժութային գործարքների սահմանափակումների մասին օրենքը: