Դոմինիկանյան միաբանության աբեղա Ֆիլիպ Դոկվիլերը, որը Ֆրանսիայում քննության տակ է մանկապղծության մասին գործով, օգոստոսի 19-ին ինքնասպան է եղել: Այս մասին գրել է կաթոլիկ շրջանակների La Croix թերթը:
Դոկվիլերի նկատմամբ քննությունը սկսվել է մարտի սկզբին ՝ 14-ամյա դեռահասի ընտանիքի բողոքից հետո: Ըստ AFP գործակալության տվյալների՝ աբեղան քննության ընթացքում «մասամբ ընդունել է իր դեմ առաջադրված մեղադրանքները»: Դրանից հետո Լա Տուրետտե եկեղեցու հոգեւորական դ՝ Էվրեն ու աբեղայական միաբանության ղեկավարությունը նրան անմիջապես հեռացրել էին դասավանդման գործընթացից:
Լիոնի դատախազությունը մարտին տեղի թեմի կարդինալ Ֆիլիպ Բարբարենին մեղադրել էր այն բանի համար, որ նա ոստիկանությանը չի տեղեկացրել դեռահասների նկատմամբ հոգեւորականների ոտնձգությունների բազմաթիվ փաստերի մասին, որոնց մասին,ըստ քննիչների, նա գիտեր: Սակայն երբ արքեպիսկոպոսի պաշտպանությամբ է հանդես եկել Հռոմի պապ Ֆրանցիսկոսը, նրա դեմ մեղադրանքները հանվել են:
Բարբարենը վստահեցնում էր, որ ինքը տեղյակ չէր իրավախախտումների մասին: Թեմի չորս հոգեւորականներ հիմա քննության տակ են, եւս վեցի գործողություններին էլ խստորեն հետեւում է ղեկավարությունը:
