Օդանավերը, որոնք իրանական Համադան ավիաբազայից հարվածներ են հասցրել Սիրիայում գրոհայինների օբյեկտներին, կատարել են իրենց առջեւ դրված առաջադրանքը ու վերադարձել են Ռուսաստանի տարածք, հայտնում է ՏԱՍՍ-ը, վկայակոչելով ՊՆ պաշտոնական ներկայացուցիչ Իգոր Կոնաշենկովին:
Կոնաշենկովը նաեւ նշել է, որ Ռուսաստանի ՌՏՈւ կողմից Իրանի «Համադան» ավիաբազայի հետագա գործածումը իրականացվելու է «ահաբեկչության դեմ պայքարի վերաբերյալ փոխպայմանավորվածությունների հիման վրա ու ըստ Սիրիայում ստեղծված իրավիճակի»:
Ավելի վաղ Իրանում Ռուսաստանի դեսպանը հայտարարել է, որ «Համադան» բազայում ռուս զինվորականներ արդեն չկան: Նաեւ Իրանի պաշտպանության նախարար Հոսեյն Դեգհանը քննադատել է Ռուսաստանի իշխանություններին այն փաստի հրապարակման համար, որ Ռուսաստանն իրանական ավիաբազան օգտագործում է Սիրիայում զինյալների ուղղությամբ հրթիռներ արձակելու համար: