Ճապոնիայում շոգ եղանակը վերջին մեկ շաբաթում ավելի քան 5.4 հազար մարդու հոսպիտալացման պատճառ է դարձել, եւս 5 մարդ մահացել է ջերմային հարվածից: Այս մասին հայտնել է երկրի գլխավոր հրշեջ վարչությունը, որն իրականացնում է ԱԻՆ եւ շտապ օգնության գործառույթներ, փոխանցում է ՏԱՍՍ-ը:
Հաշվետու ժամանակահատվածում՝ օգոստոսի 15-21-ը, երկրի կենտրոնական հատվածում ջերմաստիճանը նվազել է, հոսպիտալացման դեպքերը պակասել են՝ ի համեմատ նախորդ շաբաթվա:
Իշխանությունների տվյալներով՝ առավել հաճախ շոգից տուժում են 65 տարեկանից մեծ մարդիկ: