«Սասնա ծռեր» խմբի անդամ Հովհաննես Հարությունյանի մոտ երիկամների հետ կապված խնդիրներ են առաջացել: Այս NEWS.am-ի հետ զրույցում ասաց նրա փաստաբան Հայարփի Սարգսյանը: Նա նշեց, որ Հովհաննեսի ոտքի վնասվածքի պատճառով համարյա մեկ ամիս նա անընդհատ մեջքի վրա է պառկած եղել, որի պատճառով խնդիրներ են առաջացել, որն էլ ըստ փաստաբանի՝ նրա երիկամների հետ կապված խնդրի առաջացման պատճառ է :
«Արդեն մի ամիս է պառկած է մեջքի վրա, չի կարողանում կողքի վրա պառկել: Նրա երիկամներում քարեր են առաջացել, նրան անհրաժեշտ է համապատասխան բուժում: Ես Դիմել եմ նաեւ «Էրեբունի» բժշկական կենտրոն, որպեսզի ինձ տրամադրեն նրա բժշկական քարտի քաղվածքի պատճենը»,-ասաց նա:
Նշենք, որ Հովհաննես Հարությունյանը վիրավորվել էր հուլիսի 26-ին եւ տեղափոխվել հիվանդանոց: Հովհաննեսին մեղադրանք է առաջադրվել ՀՀ քրեական օրենսգրքի 219-րդ հոդվածի 3-րդ մասի 1-ին կետի եւ 235-րդ հոդվածի 3-րդ մասի հատկանիշներով, ինչպես նաեւ նրա նկատմամբ որպես խափանման միջոց է ընտրվել կալանավորումը: