Հայաստանը Ընտրական օրենսգրքի նախագծի «4+4+4» ձեւաչափի քննարկման շրջանակներում իրականում որոշակի հաջողություն է գրանցվել, սակայն հիմա իշխանությունը հրաժարվում է որոշ պայմանավորվածություններից: Այս մասին օգոստոսի 23-ին՝ մամուլի ասուլիսի ժամանակ, ասել է ԱԺ ՀԱԿ խմբակցության քարտուղար Արամ Մանուկյանը:
Նրա խոսքով՝ ՀԱԿ-ը շարունակում է բանակցությունները ինչպես քաղաքական ուժերի հետ՝ ԲՀԿ, ՕԵԿ, այնպես էլ քաղաքացիական հասարակության ներկայացուցիչների: Պատգամավորի խոսքով՝ մի քանի օրից պարզ կդառնան այդ բանակցությունների արդյունքները:
Անդրադառնալով Վենետիկի հանձնաժողովի երկրորդ գնահատականին՝ Արամ Մանուկյանը նշեց. «Ես համաձայն եմ, որ մենք իրականում լուրջ, իսկական հաջողության ենք հասել: Վստահեցնում եմ, կա իշխանափոխության շատ լավ, լուրջ հնարավորություն»:
Պատգամավորը միաժամանակ նշեց, որ դա չի նշանակում, որ իշխանությունները չեն կեղծի ընտրությունները: «Այստեղ արդեն նշանակություն չունի, օրենքը լավն է, թե վատը»,- վստահեցրեց Մանուկյանը:
