Իտալիայի ԵՄ հարցերով փոխնախարար Սանդրո Գոձին կարծում է, որ Եվրամիության ներսում միգրանտների բաշխումը տեղի է ունենում ոչ բավարար կերպով, եւ այդ կապակցությամբ անհրաժեշտ է տուգանել այն երկրներին, որոնք չեն ուզում ընդունել միգրանտներին, հայտնում է «ՌԻԱ Նովոստի»-ն:
«Միգրանտներին բավարար ձեւով չեն բաշխում: Դա իմ գնահատականն է, բայց ես կարծում եմ, որ հիմքեր կան որոշ երկրների նկատմամբ գործեր բացելու համար, քանի որ նրանք չեն կատարում իրենց պարտականությունները»,- ասել է Գոձին Mattino պարբերականին տված հարցազրույցում:
Նա նաեւ նշել է, որ ԵՄ-ում Սլովակիայի նախագահության ժամանակ, որը սկսվել է հուլիսի 1-ից, կկայանա Դուբլինի համաձայնագրի վերանայման հարցի քննարկումը:
«Սակայն առաջին հերթին 28 անդամ երկրները պետք է հստակություն մտցնեն վերաբաշխման ժամկետների հարցում, եւ ամեն երկիր պետք է պատասխանատվություն ստանձնի»,- ասել է փոխնախարարը: