Մեծ Բրիտանիայի Քորնուոլ կոմսության փրկարարները ստիպված են եղել չորս օրվա ընթացքում երեք անգամ օգնության հասնել միեւնույն զբոսաշրջիկին, ում ցամաքից հեռացրել էր մակընթացությունը, հայտնում է Travel Mole պորտալը
Այս միջադեպերը տեղի են ունեցել անցած շաբաթ՝ օգոստոսի 16-ից 19-ին միջակայքում, Քորնուոլի տարբեր լողափերին: Հանգստացող կինը, ում անձը չի բացահայտվում, ամեն անգամ ցամաքից կտրվել է հանկարծակի վրա հասած բնական տարերքի հետեւանքով: Նա միջադեպերից ոչ մեկի ընթացքում չի տուժել:
Երրորդ անգամ նրան փորկելուց հետո Թագավորական փրկարարական միության աշխատակիցները նրա համար ընդարձակ դասախոսություն են կարդացել ջրում անվտանգության կանոնների մասին: