Ներքին Սաքսոնիայի Օսնաբրյուկ քաղաքի դատարանը մուսուլման աշակերտուհուն արգելել է դասի գալ նիկաբով, հայտնում է Independent-ը:
Օսնաբրյուկի Sophie Scholl Evening Gymnasium դպրոցի 18-ամյա աշակերտուհին դատարան էր դիմել այն բանից հետո, երբ ղեկավարությունը նրան արգելել է նիկաբով մտնել դասարան:
Դպրոցի ներկայացուցիչներն իրենց որոշումը բացատրել են այն հանգամանքով, որ աղջկա արտաքին տեսքը նրան խանգարել է շփվել ուսուցիչների հետ, քանի որ հաղորդակցությունը միայն բառերով չէ իրականացվում:
Քաղաքի վարչական դատարանը մերժել է աշակերտուհու բողոքը, որը դատական նիստին չի մասնակցել՝ լրատվամիջոցների լայն արձագանքի պատճառով:
Սա առաջին դատական որոշումն է, որ գերմանական դպրոցներում արգելում է նիկաբի կրումը: