Վրաստանում Ռուսաստան- Հայաստան գազամուղը պայթեցնելու փորձի մեջ մեղադրվող Բեքի Բեքաուրիի դատապաշտպան Մայա Չրելաշվիլին պատմել է «Իսլամական պետություն» ահաբեկչական խմբավորման դրոշի ֆոնին իր պաշտպանյալի լուսանկարների մասին, որոնք կցված են նրա գործին:
«Գործում կան լուսանկարներ սոցցանցից, որտեղ Բեքաուրին ու մյուսները կանգնած են տարբեր՝ այդ թվում ԻՊ դրոշի ֆոնին»,- ասել է Մայա Չրելաշվիլին, հայտնում է «ՌԻԱ Նովոստին»:
Նրա խոսքով, նյութերում կան նաեւ տեղեկություններ այն մասին, որ Բեքաուրին կարող է կապ ունենալ վահաբիզմի հետ, չնայած մեղադրյալն ինքը հերքում է այդ կապը:
Հիմա Բեքա Բեքաուրին, որը հիվանդանոցում է գտնվում, հինգ մեղադրյալներից միակն է, որը ընդունել է իր մեղավորությունը: