Ռուսաստանի քննչական կոմիտեն քրեական գործ է հարուցել Ուկրաինայի պաշտպանության նախարար Ստեփան Պոլտորակի նկատմամբ: Այս մասին հայտնում է ՌԴ ՔԿ-ն:
Բացի դրանից նշում են, որ գործեր են հարուցվել եւս մի քանի բարձրաստիճան զինծառայողների նկատմամբ: Նրանցից է նաեւ Ուկրաինայի ՊՆ գլխավոր շտաբի ղեկավար Վիկտոր Մուժենկոն, Ուկրաինայի ԶՈւ ցամաքային զորքերի նախկին հրամանատար Անատոլի Պուշնյակովը, Ուկրաինայի ԶՈւ ցմաքային զորքերի գործող հրամանատար Սերգեյ Պոպկոն, ազգային գվարդիայի հրամանատար Յուրի Ալլերովը:
«Նրանց նկատմամբ քրեական գործ է հարուցվել Ռուսաստանի ՔՕ 356 հոդվածով նախատեսված հանցագործությւոնների նշաններով (արգելված միջոցների ու պատերազմ վարելու մեթոդների կիրառում) »- ասվում է հաղորդագրության մեջ, հայտնում է Gazeta–ն:
Հիմա ապացույցների հավաքման աշխատանքներ են իրականացնում: Հետաքննությունը վերահսկում է Ռուսաստանի ՔԿ-ն:
Հիշեցնենք, որ օգոստոսի 22-ին Ուկրաինայի գլխավոր դատախազությունը քրեական գործ է հարուցել Ռուսաստանի պաշտպանության նախարար Սերգեյ Շոյգուի ու Ռուսաստանի եւս 17 բարձրաստիճան չինովնիկների նկատմամբ:
