Շվեյցարական UBS բանկը՝ իսպանական Santander բանկի, գերմանական Deutsche Bank–ի ու ամերիկյան Bank of New York Mellon Corporation եւ բրիտանական ICAP բրոքերի աջակցությամբ մտադիր է շրջանառության մեջ դնել թվային արժույթ, որի հիմքում «բլոկչեյն» (blockchain) տեխնոլոգիան է, որը գործածվում է բիթքոիններով հաշվարկներ կատարելիս: Այս մասին հայտնում է Financial Times–ը:
2017-ին նախագծի մասնակիցները մտադիր են բոլոր անհրաժեշտ թույլատվությունները ստանալ կենտրոնական բանկերից, իսկ արդեն 2018-ին կսկսեն նոր թվային արժույթի առեւտրային գործածումը:
Թվային արժույթի գործածումը թույլ կտա զգալիորեն կրճատել վճարումների կատարման ժամանակը, ինչը հնարավորություն կտա «ազատել կապիտալները», պատմել է Հայդեր Ջաֆրին, որը UBS-ում զբաղվում է նորարարություններով: «Այսօր բանկերի ու ֆինանսական ինստիտուտների միջեւ հաշվարկները բարդ են, շատ ժամանակ են խլում ու թանկ են նստում, ահա թե ինչու մենք բոլորս խոշոր բեք գրասենյակներ ունենք: Խոսքը գործընթացի ռացիոնալացման ու արդյունավետության բարձրացման մասին է»,- պարզաբանել է պարբերականին Խուլիո Ֆաուրան, որը պատասխանատու է Santander–ում հետզոտությունների ու մշակումների համար
Բլոքչեյնը տվյալների բաշխված բազա է, որը պարունակում է տեղեկություններ համակարգի մասնակիցների կատարած բոլոր տրանզակցիաների մասին: Տեղեկությունները պահվում են բլոկների շղթայում, որոնցից յուրաքանչյուրում տրանզակցիաների որոշակի քանակություն է պահված: Համակարգը ավտոմատ թարմացվում է յուրաքանչյուր փոփոխությունից հետո: Բլոկի ձեւավորումից ու տեղեկությունների թարմացումից հետո ձայնագրությունը փոխելն ալեւս անհնար է: