Լուսանկարների մշակման Prisma սերվիսը iOS սարքերի համար հավելվածի օֆլայն տարբերակ է թողարկել:
Prisma-ի մշակողները դարձել են առաջինը Ռուսաստանում, որ կարողացել են ստեղծել նեյրոցանց, որն ունակ է աշխատել առանց սերվեր մուտք գործելու: Ճիշտ է հիմա օֆլայն օգտատերերի համար հասանելի է զտիչների միայն մի մասը, հայտնում է Life.ru–ն:
Սմարթֆոնի մոդելից կախված՝ մի պատկերի մշակումը 2-3 վայրկյան է տեւում: Հետագայում մշակողները ծրագրում են Android սարքերի համար էլ թողարկել Prisma –ի օֆլայն տարբերակը, նաեւ ներդնել առանց սերվերին միանալու կարճատեւ տեսագրությունների մշակման գործառույթը: Որոշակի ժամկետներ ընկերությունից չեն նշել:
Պատկերների օֆլայն մշակումների հաշվին ապագայում մշակողները կկարողանան հրաժարվել հոսթինգների լրացուցիչ ծառայությունից ու դրանոց իսկ վերաբաշխել շահույթը ի օգուտ Prisma–ի: Դա նշանակում է ընկերության բիզնես մոդելի արմատական փոփոխություն: