Ռուսաստանում ԱՄՆ նախկին դեսպան Մայքլ Մաքֆոլը Ուկրաինայի Անկախության օրվա առթիվ Facebook-ի իր էջում երկու անգամ սխալ դրոշ է տեղադրել:
Առաջին անգամ նրա գրառման մեջ պետության դրոշը կապույտ-դեղինի փոխարեն դեղին-սեւ է եղել եւ հիշեցրել է Հաբսբուրգների միապետությունը: Երկրորդ անգամ դիվանագետը շփոթել է գույների հերթագայությունը, որի հետեւանքով կապույտ շերտը հայտնվել է դեղինի տակ:
«Կներեք, ես փորձել եմ տանը տեղադրել իմ ուկրաինական դրոշը եւ սխալ գույնով կամ շրջված նկարով այդքան մարդկանց եմ վիրավորել: Դա արդեն նշանակություն չունի»,- գրել է Մաքֆոլը:
Բաժանորդների մեծ մասը ըմբռնումով է մոտեցել տեղի ունեցածին եւ դիվանագետին երախտագիտություն է հայտնել շնորհավորանքի համար:
Ուկրաինայի Անկախության օրը նշվում է օգոստոսի 24-ին: