Հայաստանի իշխանությունները Արթիկ քաղաքում ջրհեղեղից տուժածներին 42 մլն դրամ են հատկացրել: Այս մասին օգոստոսի 24-ին լրագրողներին հայտնել է քաղաքապետ Արսեն Աբրահամյանը:
Հիշեցնենք, որ ջրհեղեղի առաջացման պատճառը սելավատար կոլեկտորում կուտակված աղբն էր:
Տուժել էին դպրոցը, մանկապարտեզը, քաղաքի փողոցների հատվածները:
Ընդհանուր առմամբ մաքրման աշխատանքների ժամանակ հանվել է մոտ 20 հազար խոր մ թափոն, որը ջուրը տուֆի հանքերից էր քշել քաղաք բերել:
Վերանորոգվել է կոյուղին, մաքրվել են փողոցները: Հիմա մաքրում են կոլեկտորը:
Աշխատանքներ են իրականացվում պարզելու համար պատճառները՝ ապագայում կրկնությունը կանխելու նպատակով:
Տուժած բնակիչները պետությունից ընդհանուր առմամբ 42 մլն դրամ կստանան ՝ որպես փոխհատուցում վնասված տների, ցանքատարածքների ու սատկած անասունների համար:
Նախկին քաղաքապետի մասին լուրերը (ասում են, իբրեւ նա կոլեկտորի վրա շենք է կառուցել, որտեղ ելակ էր աճեցնում) մեկնաբանելու խնդրանքին քաղաքապետը պատասխանել է, որ փորձաքննության եզրակացությունը կստաացվի ոչ հեռավոր ապագայում: