Այս պահին «Դատապարտյալների հիվանդանոց» ՔԿՀ-ի դիմաց են գտնվում «Սասնա ծռեր» խմբավորման անդամների հարազատներն ու աջակիցները, որոնք եկել են տեղեկություններ ստանալու «Սասնա ծռերի» վիրավոր անդամների մասին:
Այս պահին «Էրեբունի» ԲԿ-ի բժիշկները գտնվում են «Դատապարտյալների հիվանդանոցի» ներսում, որտեղ հետազոտում են «Սասնա ծռեր» խմբի անդամներին: ՔԿՀ-ում է գտնվում նաեւ «Սասնա ծռերից» Հարություն Հովհաննիսյանի փաստաբան Հայարփի Սարգսյանը:
«Սասնա ծռերի» աջակիցները սպասում են, որպեսզի փաստաբանը դուրս գա եւ տեղեկություններ հայտնի:
Ի դեպ, Հովհաննես Հարությունյանի մայրն ու քույրը իրենց հետ բժիշկ են բերել, սակայն «Դատապարտյալների հիվանդանոցի» ղեկավարությունը թույլ չի տալիս նրան մուտք գործել ՔԿՀ տարածք:
Նշենք, որ «Էրեբունի» ԲԿ-ի տնօրեն Միքայել Մանուկյանն ավելի վաղ հայտարարել էր, որ երկուշաբթի օրվանից կսկսեն վիրահատել «Սասնա ծռերի» անդամներին: