Իտալիայի կենտրոնական շրջանում երկրաշարժի հետեւանքով զոհերի թիվը հասել է 73-ի: Այս մասին գրում է ՏԱՍՍ-ը՝ վկայակոչելով երկրի Քաղպաշտպանության դեպարտամենտի ներկայացուցչին:
«Ինչպես միշտ՝ նշում ենք, որ այս տվյալները դեռեւս վերջնական չեն»,- նշել է աղբյուրը:
6.0 մագնիտուդով երկրաշարժը գրանցվել է տեղական ժամանակով 03:36-ին, որին հետեւել է երկրորդ ցնցումը՝ 5.4 մագնիտուդ ուժգնությամբ: Ցնցումները զգացել են Իտալիայի մի շարք խոշոր քաղաքներում:
Ամենաշատը տուժել են լեռնային տեղանքում գտնվող բնակավայրերը՝ Ամարտիչեն, Պեսկարա դել Տրոնտոն, Ակումոլին: