Մոսկվայում Սիթի Բանկի՝ Բոլշոյ Նիկիտսկիում գտնվող մասնաճյուղ մի տղամարդ է մտել՝ կրծքին պայթուցիկ սարք հիշեցնող ինչ-որ առարկա կապված, եւ հայտարարել, որ գրավել է բանկը: Life.ru-ի հաղորդմամբ՝ դեպքի վայր հատուկ նշանակության ջոկատայիններ են ժամանել, այնտեղ է նաեւ Ռուսաստանի ՆԳ նախարար Վլադիմիր Կոլոկոլցեւը:
«Ես չեմ եկել ձեր բանկը թալանելու, ես եկել եմ ձեր բանկը գրավելու»,- հայտարարել է տղամարդը:
Հաղորդվում է, որ նա երկու մարդու է պատանդառել:
ՌԻԱ Նովոստիի աղբյուրի փոխանցմամբ՝ բանկը գրավել է սնանկացած գործարար, 1961 թվականին ծնված Արամ Պետրոսյանը: