Բուրկինի ստեղծող ավստրալացի դիզայներ Ահեդա Զանեթին քննադատել է ֆրանսիական մի շարք կոմունաների իշխանություններին՝ բուրկինի հագնելու արգելքի համար: Այս մասին նա գրել է The Guardian թերթի համար իր հոդվածում:
Դիզայների խոսքով 2004-ին ինքը որոշել է ստեղծել բուրկինի (մարմինն ամբողջովին փակող լողազգեստ մուսուլման կանանց համար) որպեսզի իսլամ դավանող կանայք ավելի մեծ ազատություն ունենան, կարողանան ակտիվ կենսակերպ վարել: Այդ մտահղացումը նրա մոտ առաջացել էր, երբ նա տեսել էր, թե իր զարմուհու համար ինչ անհարմար է վոյելբոլ խաղալը: Զանեթին հիշել է, որր ինքն առհասարակ չէր կարողանում սպորտով զբաղվել,քանի որ համախատասխան հագուստ չկար:
Արգելելով բուրկինի հագնելը՝ ֆրանսիական իշխանություները, ըստ դիզայների, նմանվում են արմատականներին:
«Դա կանանց ազատություն է տվել, իսկ նրանք ուզում են վերցնե՞լ այն: Այդ դեպքում ո՞վ է ավելի լավը՝ «Թալիբանը», թե՞ ֆրանսիացի քաղաքական գործիչները»,- տարակուսած հարցնում է նա: