Հայաստանի ԱԻՆ-ում, օգոստոսի 24-ին, ժամը 18.12-ին ահազանգ է ստացվել, որ Արարատի մարզի Երասխ գյուղի մոտակայքում տեղի է ունեցել ավտովթար, կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Մ-2 ավտոճանապարհի Երեւան-Մեղրի 70-րդ կմ-ի հատվածում իրար են բախվել «Range Rover» մակնիշի 017LL01 (վարորդ` 35-ամյա Հ. Ս.) եւ «Մոսկվիչ» մակնիշի 34 DT 276 (վարորդ` 52-ամյա Թ. Կ.) համարանիշերի ավտոմեքենաները, ինչի հետեւանքով Հ.Ս.-ն, Թ. Ս.-ն եւ «Range Rover» ավտոմեքենայի ուղեւոր 56-ամյա Ա. Գ.-ն տարբեր աստիճանի մարմնական վնասվածքներով հոսպիտալացվել են «Արարատի» ԲԿ:
Հրշեջ-փրկարարները հոսանքազրկել են ավտոմեքենաները:
Shamshyan.com-ի փոխանցմամբ, բախման հետեւանքով «Մոսկվիչ 2141»-ի մարտկոցը ավտոմեքենայից պոկվել եւ մոտ 60 մետր շպրտվելով՝ հարվածել է Hyundai մակնիշի 34 CT 979 համարանիշի ավտոմեքենայի թափքին եւ դիմապակուն:
Նշվում է, որ Range Rover-ը պատկանում է Կապի եւ տրանսպորտի նախարարության Մեղրիի Ճանշինին եւ սպասարկում է Ճանշինի պետ Ազատ Գասպարյանին: