Չինաստանը, ԱՄՆ-ն ու Ավստրալիան սկսել են ցամաքային զորքերի համատեղ վարժանքներ անցկացնել, այս մասին օգոստոսի 25-ին ճեպազրույցի ժամանակ հայտնել է ՉԺՀ պաշտպանական գերատեսչության պաշտոնական ներկայացուցիչ Ու Ցյանը, հայտնում է «ՌԻԱ Նովոստին»:
«Ըստ պայմանավորվածության՝ կողմերը օգոստոսի 24- ից սեպտեմբերի 11-ը կանցկացնեն ցամաքային զորքերի հմտությունների համատեղ վարժանքներ՝ ավստրալիական Դարվին քաղաքում»- ասել է Ու Ցյանը:
Նա նաեւ հայտնել է, որ Չինաստանն ու Ավստրալիան սեպտեմբերի 14-ից 23-ը նաեւ առանձին երկկողմանի վարժանքներ կանցկացնեն Սիդնեյում:
ՉԺՀ ՊՆ պաշտոննական ներկայացուցիչի խոսքով երկու միջոցառումներն էլ նպատակ ունեն ամրապնդել փոխըմբռնումը, խորացնել ռազմական գործնական համագործակցությունը, բարձացնել ռազմական պատրաստվածության մակարդակը ու առաջադրանքները կատարելու ունակությունները: