Հայաստանից Ռուսաստան արտահանումը 2016-ի առաջին կիսամյակում ռեկորդային ցուցանիշի է հասել՝ 168 մլն դոլարի: Այս մասին լրագրողներին օգոստոսի 25-ին Կառավարության նիստից հետո ասել է Էկոնոմիկայի նախարար Արծվիկ Մինասյանը
Պետք է հաշվի առնել, շեշտել է նա, որ խոսքը բացարձակ ծավալի մասին է՝ առանց գնաճի ճշգրտման:
Այդուհանդերձ նման ցուցանիշը լավատեսություն է ներշնչում ու թույլ տալիս ենթադրել, որ Հայաստանի իշխանությունների ու բիզնեսին հաջողվել է հաղթահարել ԵՏՄ հանրապետություններ արտահանման ընթցակարգերի ընկալման հարցում անորոշությունները, որոնք կային 2015-ին ՝ Միությանը Հայաստանի անդամակցության առաջին տարում:
«Դրա համար էլ կարելի է ակնկալել արտահանման հետագա աճ Եվրասիական միություն՝ հատկապես Ռուսաստան»,- հավելել է Մինասյանը:
Նշենք որ արտահանման մեջ ավանդաբար գերազանցում են կոնյակն ու գյուղարտադրանքը (մրգեր, բանջարեղեն, ձուկ ու պանիր):