Հայաստանի առեւտրային ներկայացուցչությունը Ռուսաստանում՝ Մոսկվայի սահմաններից դուրս տոնավաճառային ապրանքների վաճառքի կետեր բացելու առաջադրանք է ստացել: Այս մասին լրագրողներին Կառավարության օգոստոսի 25-ի նիստից հետո հայտնել է Էկոնոմիկայի նախարար Արծվիկ Մինասյանը:
Նրա խոսքով, դա թույլ կտա աջակցել ռուս սպառողների շրջանում հայկական ապրանքների ճանաչելիության բարձրացմանը:
«Պետք է հաշվի առնել, որ մեր ընկերությունների հնարավորությոնները ոչ միշտ են թույլ տալիս բավարարել շուրջ տարին ռուսաստանյան հիպերմարկետներին մատակարարումների մեծ ծավալները: Դրա համար էլ մենք նրանց ռուսական շուկայում իրենք ապրանքը ներկայացնելու նոր ձեւեր կառաջարկենք:
Վաճառքի նմանատիպ կետերը մենք ուզում ենք շատացնել նաեւ Չինաստանում, մանավանդ ոգելից խմիչքի (մասնավորապես կոնյակի-խմբ.) արտահանման համար, հավելել է Մինասյանը:
