Ռուսաստանի Վորոնեժի տարածաշրջանում օգոստոսի 24-ի վթարի հետեւանքով մահացած ՀՀ քաղաքացիները զարմիկներ էին:
NEWS.am-ի տեղեկություններով՝ նրանք Հայաստանից էին Ռուսաստան մեկնում, երբ վթարի են ենթարկվել:
Մահացած վարորդը եւ ուղեւորը զարմիկներ են: Հիվանդանոցում գտնվողներից մեկը մահացածի եղբայրն է, մյուսը՝ նրանց ընկերը: Տուժածների վիճակը միջին ծանրության է:
Հիշեցնենք, որ ըստ ՌԴ ԱԻՆ ԱՃԿԿ-ի՝ օգոստոսի 24-ին, ժամը 06.21-ին ՌԴ Մ-4 ԴՈՆ ավտոճանապարհի Մոսկվա-Նովորոսիսկ 602 կմ-ին՝ Վորոնեժի տարածաշրջանի Լիսկինսկի շրջանի մոտակայքում, «Նիսսան Տիանա» մակնիշի AA34KZ986 պետհամարանիշով ավտոմեքենան դուրս էր եկել ճանապարհի երթևեկելի հատվածից եւ շրջվել: Վարորդը՝ 31-ամյա Մանուկ Պետրոսի Պետրոսյանը ու ուղեւոր 35-ամյա Գագիկ Ժիրայրի Հակոբյանը մահացել էին, ուղեւորներ 35-ամյա Ա.Վ. Էդոյանը եւ Ռոման Հ.-ն տեղափոխվել էին հիվանդանոց:
