Սիրիա ներխուժումն անսպասելի ինչ-որ բան չէր, համապատասխան ծրագրերը վաղուց էին մշակվում: NEWS.am-ի հետ զրույցում նման կարծիք հայտնեց քաղաքագետ, արեւելագետ Կարինե Գեւորգյանը:
Փորձագետի խոսքով՝ թուրքական կողմը վաղուց էր դա ծրագրում, եւ նույնիսկ որոշ ժամամակ առաջ ամերիկյան կողմին մեղադրում էր, որ չի շտապում գործողություն սկսել: «Ծրագրերը վաղուց կային, այդ պատճառով էլ այժմյան գործողությունները չի կարելի հանկարծակի համարել»,- նշեց փորձագետը:
Կարինե Գեւորգյանը, միաժամանակ, կարծիք հայտնեց, որ «սիրիական գործողությունը» հեղաշրջման փորձի ականատես եղած Թուրքիայի իշխանությունների համար որոշակի շեղող մանեւրում ծառայեց, որը կոչված էր «զբաղեցնել» բանակն ու շեղել բողոքի տրամադրություններից:
Հաշվի առնելով, որ «թուրքական ստորաբաժանումների թիրախի՝ Ջարաբլուսայի անմիջական հարեւանությամբ ԻՊ-ի ուժերի կուտակում չի նկատվում», ակնհայտ է, որ թիրախը քրդերն են, այլ ոչ «Իսլամական պետությունը»: «Ընդհանուր առմամբ, այդ գործողությունը սիրիական քրդերի դեմ է»,- ամփոփեց Կարինե Գեւորգյանը: