Մադագասկարյան ծածանները տնայնացված ձկների աճեցված տարբերակներն են, որոնց բնական միջավայր են բաց թողել: Նման եզրահանգման են եկել ֆրանսիացի կենսաբանները, որոնց հոդվածը հրապարակվել է Proceedings of the Royal Society B ամսագրում:
Ըստ Lenta-ի՝ մասնագետները Մադագասկարի տարբեր վայրերից շուրջ 700 աճեցված եւ վայրի ծածաններ են հավաքել, գնահատել թեփուկների քանակությունը, ուսումնասիրել ձկների գեների տեսակները:
Պարզվել է, որ կղզու էկոհամակարգում արձակված ձկների ժառանգ հանդիսացող ծածանների 65%-ն ամբողջությամբ պատված է եղել թեփուկներով՝ չնայած գենետիկ մուտացիաներին, որոնք նրանց նախնիներին «հայելային» (թեփուկազուրկ) են դարձրել:
