Գյումրիում օգոստոսի 26-ին 61-ամյա տղամարդ է ընկել իր ննջասենյակի պատուհանից ու մահացել:
Գյումրիի բժշկական կենտրոնից NEWS.am-ին հայտնեցին, որ 61-ամյա Սերգեյ Ամիրխանյանն առավոտյան 9:55-ին իրենց մոտ է տեղափոխվել պոլիտրավմայով, թոքերի պատռվածքներով, աջ ազդրի կոտրվածքով, սալջարդերով, վերքերով եւ քերծվածքներով:
Տղամարդը հետազոտվել է տարբեր մասնագետների կողմից, ստացել համախատասխան բուժօգնություն, սակայն վնասվածքները կյանքի հետ անհամատեղելի են եղել, 10:30-ին տղամարդը մահացել է:
NEWS.am-ի տեղեկություններով՝ տղամարդը ինքնասպանություն է գործել առողջական խնդիրների պատճառով: Օրեր առաջ էլ նա փորձել է երակները կտրելու միջոցով վերջ տալ կյանքին, բայց չի հաջողվել: