Կանադայի ոստիկանությունում աշխատող մուսուլման կանանց թույլ են տվել աշխատավայրում հիջաբ կրել, հայտնում է The Globe and Mail-ը:
Հաղորդվում է, որ տվյալ որոշման ընդունումը ավելի մեծ թվով մուսուլման կանաց ոստիկանական ծառայության ներգրավելու նպատակ ունի: Մշակվել է հիջաբի հատուկ դիզայն, որը համապատասխանում է անվտանգության բոլոր ստանդարտներին:
«Սա արվել է իրենց կարիերան ոստիկանական ծառայության մեջ դիտարկող մուսուլման կանանց խրախուսելու համար»,- ասել է հասարակական անվտանգության նախարար Ռալֆ Հուդեյլը:
Նրա կարծիքով՝ Կանադայի ոստիկանությունը ժամանակակից եւ «էքսկլյուզիվ» կազմակերպություն է, որը «գնահատում եւ հարգում է բոլոր մշակույթների եւ հավատի կրող մարդկանց համոզմունքները»:
Նշվում է, որ սիքհ տղամարդիկ, ովքեր ծառայում են Կանադայի ոստիկանությունում, 1990 թվականից իրավունք ունեն կրելու ավանդական չալմա:
Մինչ օրս Կանադայի ոստիկանությունում ծառայող կանանց հիջաբ կրել թույլ էին տալիս միայն Տորոնտոյում եւ Էդմոնթոնում: Այդպիսի կարգ է գործում նաեւ Մեծ Բրիտանիայում, Շվեդիայում Նորվեգիայում եւ ԱՄՆ որոշ նահանգներում:
