Գլենդելում նախկին սիրեկանի սպանության համար մեղադրվող 37-ամյա հային ցմահ ազատազրկման են դատապարտել՝ առանց վաղաժամ-պայմանական ազատ արձակման հնարավորության: Այս մասին գրում է Los Angeles Times-ը:
Հունիսին դատարանը Հովհաննես («Ջոն») Մասկովյանին մեղավոր էր ճանաչել 2013 թվականին մարդկանց ծեծելով առեւանգման եւ սպանության համար: Նա 2.5 մլն դոլարի չափով ապահովագրավճարի համար գնդակահարել է իր սիրեկանին՝ 33-ամյա Ջոշուա Ուեսթին:
Մասկովյանի կրտսեր եղբայրը՝ 31-ամյա Խաչիկ («Քրիս») Մասկովյանը, մեղավոր է ճանաչվել նույն մեղադրանքներով: Իսկ գործով անցնող երրորդ հայը՝ 22-ամյա Նազարեթ («Նիկ») Բայամջյանը, սպասում է դատավարությանը:
Ջոշուա Ուեսթի քրոջ խոսքով՝ Հովհաննես Մասկովյանն ու իր եղբայրը հանդիպում էին 7 տարի շարունակ: 2012 թվականի դեկտեմբերին բաժանվելուց հետո էլ նրանք մի քանի ամիս շարունակ միասին են ապրել Գլենդելի իրենց բնակարանում:
Ավելի ուշ քննիչներին հաջողվել է պարզել, որ սպանությունից մեկ օր առաջ Հովհաննես Մասկովյանը զանգահարել է ապահովագրական գործակալներին՝ նրանց ապահովագրական քաղաքականության մասին հարցնելու համար: Հաջորդ օրը գործակալը հաղորդել է, որ ամեն ինչ կարգին է: