ԱՄՆ նախագահ Բարաք Օբամայի՝ VR ակնոցով լուսանկարը զվարճացրել է Reddit-ի օգտատերերին, իսկ պետության ղեկավարն ինքը ֆոտոշոփի հերոս է դարձել: Այս մասին գրում է Lenta.ru-ն:
Լուսանկարը հրապարակվել է «ֆոտոշոփ-մարտեր» բաժնում եւ կայքի այցելուներին հնարավորություն ընձեռել տարատեսակ կոլաժներ ստեղծել: Մեկնաբանություններում օգտատերերը ենթադրություններ են հայտնել, թե ինչ կարող էր տեղի ունենալ վիրտուալ իրականությունում հայտնված նախագահի շուրջը:
Ոմանք ենթադրել են, որ Օբաման այնքան է տարվել, որ չի նկատել տիկնոջ՝ Միշելի հայտնվելը, նաեւ VR ակնոցով մի քանի միջոցառման է գնացել:
Բացի այդ, նրան «Աստղային պատերազմների» հերոս են դարձրել, նստեցրել դաշնամուրի առջեւ եւ սուպերհերոսի կոստյում հագցրել: